好悶呀........ 係公司冇野做...... 尋日同今日都係9點幾就做完, 一直等到4點放工

只係坐係到上網, 上到冇野睇都唔知做咩好....

諗番個時, 好忙既時候, 一直做, 不斷做, 做到6點幾先有得放... 個時好想好似而家咁, 到而家, 又唔知做咩好.... 不過我都請願好似而家咁, 冇野做, 休休閒閒又一日...

今晚同男朋友食飯, hehee~~ 終於可以食風月堂lu~~ ^^

而家係公司.....好悶呀....下午既野, 我上午就同佢做哂, 攪到而家冇野做...

唉, 好想轉工呀, 點解搵左咁耐都未有架, 唔知我幾時先轉到呢???

一陣放工會去食haagen daz buffet, 唔知好唔好食呢??

今日lunch同左個 UST 既師弟食, 我都係科大alumni聚會先識佢, 佢下個月去英國喇, 係 Nottingham讀master, 都唔錯啦, 我不知幾想full time讀書, 唔洗做野... 不過我估冇咁既機會lu...佢係咁同我講, 話好想做我份工, 我同佢講我job hunt緊, 佢講笑咁講話唔好走住, 等佢返黎我先走, 佢replace我個位wor... 我不知幾想同佢講, 我好想即走, 過佢公司tim呀...

今日臨放工, 地中海又係到依依哦哦, 佢真係好乞人憎呀, 成日係到扮哂野, 以為自己好勁, 其實成個department都好憎佢, 好心佢自己反省下啦, 做人做到佢咁, 有咩意思??? 我忍無可忍, 走去同Jenny講, 佢話小心俾佢知我話佢, 我話, 有咩所謂, 我就係要俾佢知我話佢, 佢係好討厭麻.... 依個人, 真係冇樣好, 人又肥, 27歲就已經開始地中海, 脾氣唔好, 又泛眾憎, 最慘係, 佢成日覺得係人地問題, 佢一d都唔會檢討到底係唔係自己問題.... 又成日想升, 佢收擋啦~~ 我係要係到鬧爆你呀, 你係極討厭麻...

哈哈, 好鍾意依個名, 以後就叫佢做"地中海"啦. 廿幾歲就地中海, 可能係佢既報應啦~~ hohoo ~~

依幾日突然好想寫番d野, 就諗起xanga... 好耐冇寫喇, 睇番原來有成2年lu, 唔知我寫番之後, 有冇人會睇呢??? 有冇都好啦, xanga都係一個比我可以寫下自己想講既野既地方...

不如先講下依兩年發生左d咩事先啦... 英國畢業後返左香港, 個時個境好好呀, 好快就搵到份銀行工... 係間美國base既銀行做fund accountant, 工作就一般般啦, 一開始做fund group, 學識咩叫fund, fund既運作等等, 做左11個月轉左過corporate actions, 依個決定係好困難既, 我轉係因為個條team d人唔好, 所以想轉下個環境... 但個個都話share service唔好wor, d人都唔願轉過去, 不過冇所謂啦, 未當學下野lor... 不過依個決定係個個都話傻, 但有時我覺得, 藉唔藉得, 唔係咁快知道.... 畢業時覺得做銀行好呀, 有前途, 點知原來d人唔好既, 轉左team之後都叫好d, 雖然都有d衰人, 但總算好左好多... 到左而家, 我好想轉工呀, 一來唔想做而家d野, 好想去做d我喜歡既工作, 二來想轉下新環境咁啦...

係感情方面, 我識左個新男朋友, 係公司架, 到而家都差唔多一年半lu, 都唔錯啦~ 佢係一個好有責任感, 好照顧我既人, 佢話wor, 佢要每日都知道我發生咩事, 我每一樣事佢都會理, 都會教我點做, 其實有佢係我身邊, 我好多事都唔再擔心lu ^^  不過呢, 佢係個大忙人黎架, 好多野做,而家佢畢業後, 話會抽多d時間陪我... 希望啦. 仲有呀, 佢係個唔鍾意去旅行既人, 我成日都好想同佢去架, 但佢就成日都唔想... 唔知幾時先有機會同佢去呢??? 同佢既關係....就好似流水咁.... 同佢一齊, 唔會有咩特別驚喜, 佢唔會做surprise個種人, 不過又唔會有咩咬叫咁, 簡簡單單, 平平淡淡咁過日子...

而我既願望就係, 自己同身邊既人身體健健康康, 同家人, 朋友, 男朋友既生活開開心心就可以喇~~